Skolestart

Í dag var stór dagur í lífi litlu guttanna okkar. Fyrsti skóladagur nýs skólaárs og þeir byrjaðir í 2. og 4. bekk í Skæring Skole  Það var mikil spenna í loftinu þegar þeir vöknuðu klukkan hálf sjö í morgun og klæddu sig í flott töffaraföt sem þeir höfðu valið sér kvöldið áður, fengu sér íslenskt Cherios í morgunmat og skelltu svo nýju fínu skólatöskunum á bakið. Svo var ekið af stað í skólann ásamt ömmu og afa og hvarvetna á leiðinni blöstu við brosandi skólabörn sem voru spennt að hitta bekkjarfélagana eftir sumarfrí.

Ég fíla þetta alveg í botn þegar skólarnir byrja og við förum í bæinn að kaupa spánýtt skóladót og skólaföt og skoða nýjar stundatöflur og nýjar skólabækur  Mér fannst líka mest skemmtilegt í þetta sinn að ég sjálf er EKKI að byrja nýjan vetur í skóla... loksins hvíld frá því eftir langa og stranga lærdómstörn. Nú fæ ég bara kikkið út úr þessu í gegnum strákana mína. Mér telst svo til að ég hafi verið 20 vetur í skóla af þeim 34 vetrum sem ég á að baki

Annars er bara allt fínt að frétta af okkur. Mamma og pabbi komu til okkar með strákana að morgni 3. ágústs eftir 11 tíma seinkun á flugi svo það voru mjög þreyttir en ánægðir ferðalangar sem ég sótti á flugvöllinn. Fyrsta vikan þeirra hér hefur verið róleg, enda frekar mikil rigning og við Hilmar búin að vera í vinnunni alla daga. Þau skruppu samt með strætó til Grenaa einn daginn til að heimsækja Kollu frænku og á laugardaginn ókum við til Randers og kíktum á Randers festuge. Næstu daga er áframhaldandi rigningarspá svo við verðum bara að krossa puttana að það verði búið að stytta upp um helgina svo við getum gert eitthvað skemmtilegt.

Athugasemdir

[Dísa Dóra, 11.8.2008 kl. 20:44]

Alltaf jafn gaman þegar skólinn byrjar aftur og þá sérstaklega á þessum aldri.  Sumarið hjálpaði manni nú að gleyma ef einhver skólaleiði hafði verið í myndinni.

Kveðja til ykkar allra 

[Brynja (IP-tala skráð) 12.8.2008 kl. 09:15]

Oh yndislegt að lesa þetta elsku Eydís. Skólarnir bara byrjaðir í Danaveldi oh hvað ég sakna þess og ég veit að litli gaurinn minn saknar þess líka. Allt bara rólegt á Íslandinu með bara hlýjar og góðar hugsanir til Árósa. Rosalega var gaman að hitta þig í síðustu viku og ég vona að allt gangi upp hjá ykkur.

Allir biðja að heilsa ykkur og hafið það sem allra allra best.

Kær kveðja úr sólinni á Íslandi.

[Anna Kristín (IP-tala skráð) 12.8.2008 kl. 12:06]

hæhæ elsku Eydís, vá spennandi fyrsti dagurinn. Vona að þeir eigi góðan dag í skólanum. vona að rigningin fari nú að hverfa frá ykkur.

knús knús úr sólinni á Íslandi

anna kristín og co 

[Björkin on the Kleik..... (IP-tala skráð) 16.8.2008 kl. 11:59]

Hæ og takk fyrir síðast gaman að hittast i skólanum og skála

Svo er það girl night þegar ég kem aftur til Baunalands, ég kalla á ykkur Guðlaugu í kósý kvöld

 Sjáumst fljótt bestu kveðjur frá klakanum

Ásta Björk

[Sabbaló (IP-tala skráð) 16.8.2008 kl. 22:28]

Kennarinn fær alveg fiðringinn þessa dagana:) En já það er líka gott að fá smá pásu eins og þú segir...20 vetur er ekkert smá:)

Knús frá okkur hér

[Telma (IP-tala skráð) 18.8.2008 kl. 16:28]

Vá hvað það er gaman hjá þeim. Okkar krakkar bíða spennt eftir að skólinn byrji..... Úff og eitt þeirra að fara í framhaldsskóla  er maður orðinn gamall eða hvað?  Biðjum að heilsa héðan úr Grindavíkinni Telma, Ási og öll hin 6 stykkin

[Kolla frænka (IP-tala skráð) 18.8.2008 kl. 20:17]

í skólanum, í skólanum er skemmtilegt að vera  er það ekki ? jú en takk fyrir síðast, þurfum að hittast fljótlega aftur allavega áður enn mamma þín og pabbi fara. Verðum í bandi sæta mín.

knúsi knús Kolla frænka