3.10.2008 | 08:04
Aldrei aftur bókari
Í gær lauk ég síðasta deginum mínum í bókhaldinu í Suzlon Enginn smá léttir og ég er með fiðring í maganum yfir nýja starfinu mínu sem hefst á mánudaginn. Ég verð alla næstu viku á námskeiðum þar sem ég á að læra allt um vindmyllur.
Vikan sem er að líða er líka flutningsvikan hjá Suzlon og á sama tíma var ársfjórðungsuppgjör í bókhaldinu. Meðan allar hinar deildirnar eru búnar að vera á fullu að pakka í kassa þá erum við í bókhaldinu búin að sitja sveitt yfir afstemmingum langt fram á kvöld. Í gær var svo lokadagur í flutningnum og allir voru búnir að pakka og farnir í frí... nema bókhaldsdeildin
Þar sem þetta var líka lokadagurinn minn í deildinni varð ég að loka öllum mínum verkefnum og vann því lengst af öllum. Þetta var eiginlega frekar kómískt að sjá þar sem húsið var orðið tómt og kassar í stöflum út um allt og enn sat ég klukkan fimm í gær við skrifborðið mitt, pikkandi eins og brjálaður bavíani á tölvuna mína, með símann á öxlinni, prentarann suðandi við hliðina á mér og möppur í stöflum á borðinu mínu. Ég var svona eins og Palli var einn í heiminum og gjörsamlega ómeðvituð um hvað var að gerast í kringum mig. Enda kom gæðastjórinn með myndavél og myndaði mig þarna aleina að vinna innan um alla kassana....
Ég var líka eins og sprungin blaðra í strætó á leiðinni heim í gærkvöldi... og ekkert smá fegin að þessu tímabil í lífi mínu er lokið. Ég held ég hafi aldrei verið í eins klikkaðri vinnu eins og þessari bókaravinnu sem ég er búin að vera í síðastliðna átta mánuði... þetta er búinn að vera algjör kleppur
Núna ætla ég að njóta þess í botn að eiga þriggja daga helgi framundan með yndislegu fjölskyldunni minni og halda áfram að hlakka til næstu viku. Góða helgi elskurnar mínar
Um bloggið
Lífið í Løgten
Bloggvinir
Myndaalbúm
Heimsóknir
Flettingar
- Í dag (7.5.): 1
- Sl. sólarhring: 1
- Sl. viku: 13
- Frá upphafi: 1638
Annað
- Innlit í dag: 1
- Innlit sl. viku: 13
- Gestir í dag: 1
- IP-tölur í dag: 1
Uppfært á 3 mín. fresti.
Skýringar
Athugasemdir
Hæ sæta mín samgleðst þér innilega við þessi tímamót. Þú ert búin að standa þig eins og hetja, enda ertu líka hetja, búin að margsanna máltækið ,,margur er knár þó hann sé smár,, njóttu helgarinnar dúllan mín.
frænkuknús
Kolla frænka
Kolla frænka (IP-tala skráð) 3.10.2008 kl. 14:07
Til hamingju með nýja starfið! Óskum ykkur alls það besta. Vonum að ástandið hjá ykkur sé betra en hér á Íslandinu úff... kveðja úr snjónum í Grindó
Telma (IP-tala skráð) 3.10.2008 kl. 15:23
Þá er komið að þvi Eydís, jeiiiiiii. Gangi þér vel í nýja starfinu
kiss og knús
Guðlaug (IP-tala skráð) 4.10.2008 kl. 09:14
Spennandi Alltaf gaman að læra nýja hluti, frábært hjá þér.
Gangi þér vel á nýjum starfsvettvangi
Heyrumst
Knús frá Risskov
Ásta Björk
Ásta Björk (IP-tala skráð) 5.10.2008 kl. 13:05
ji til lukku með nýja starfið! Ég skil þig ekkert smá vel....bókarastarf er skelfilega leiðinlegt..og afstemmingar er eitthvað sem ætti að nota sem pyntingar! hehe ég ætla heldur aldrei aftur að vinna við að bóka! hehe
hehe sé þig fyrir mér pikkandi á tölvuna innan um kassa..snilld
knús anna kristín
Anna Kristín vinkona (IP-tala skráð) 5.10.2008 kl. 13:38
Elsku elsku Eydís mín. Bara innilega til hamingju með að þessum kafla er lokið og nýr að byrja oh yndislegt. Það verður gaman að fylgjast með þér í nýja starfinu og þú átt sko eftir að meika það er ég viss um.
Endalausar saknaðarkveðjur til ykkar, hugsum oft til ykkar
Kær kveðja Brynja og co.
Brynja (IP-tala skráð) 7.10.2008 kl. 12:11
Hæhæ dúlla þú ert snillingur :)
Alda besta frænka (IP-tala skráð) 7.10.2008 kl. 17:08
Til lukku, til lukku og til lukku elsku sæta með að vera laus að Kleppi... Það er bara ekki gott að vera eins og brjálaður bavíani... láttu mig þekkja það... Ég hugsa mikið til þín og hlakka til að sjá þig um jólin... ef við verðum á sama stað... Mar veit bara ekki hvernig þetta endar allt saman á brjálaða Íslandi... allt að rjúka upp úr öllu valdi... Verðið og vitleysan svo ekki sé nú meira sagt... vitleysingur þessi Davíð skilst mér...
Svona að lokum sæta mín... ertu ekki með msn...???
RISAknús og hrúga af kærleik
Rósin...
Sigurrós litla frænka (IP-tala skráð) 7.10.2008 kl. 17:47
Takk fyrir allar sætu kvedjurnar elskurnar mínar
Sigurrós... msn-id mitt er flikk73@hotmail.com
Eydís Hauksdóttir, 8.10.2008 kl. 06:44
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.