Metnaður

1.3.2008 | 18:16

Ég á greinilega mjög metnaðarfullan 10 ára gamlan son sem heitir Eyþór Atli. Hann er búinn að vera harðákveðinn í því í langan tíma hvað hann ætli að verða þegar hann verður stór. Hann ætlar að verða fótboltamaður á daginn og söngvari á kvöldin. Í dag urðu svo allt í einu óvæntar breytingar á þessum áætlunum hans. Hann kom stormandi til mín og sagði að það gengi bara engan veginn að hann yrði bæði fótboltamaður og söngvari! Ástæðan er víst sú að þegar hann er orðinn fótboltamaður verður svo svakalega mikið að gera hjá honum því það verða æfingar á hverjum degi og auðvitað fótboltaleikir líka, svo yrði hann alltaf á alls kyns fundum og takandi við verðlaunum út um allt fyrir að vera knattspyrnumaður ársins og þess háttar og svo væri hann alltaf skrifandi undir samninga við alls kyns lið og því væri bara alls enginn tími eftir til að vera söngvari líka! Þegar hann loks náði andanum eftir alla þessa romsu, hugsaði hann sig um í andartak og bætti svo við að kannski gæti hann bara sungið svona að gamni sínu þegar hann væri á fótboltaæfingum.... og verið svona syngjandi fótboltamaður :-)

Flokkur: Bloggar | Facebook

Athugasemdir

Hahaha yndislegur

Dísa Dóra, 1.3.2008 kl. 18:19

Hæ hæ litla frænka og familie Takk æðislega fyrir komuna um helgina, alltaf jafngaman að sjá ykkur....en þau eru náttlega bara æði þessi börn okkar....syngjandi fótboltamaður og syngjandi hárgreiðsludama.....þetta hlýtur að liggja í Bakkasellógenunum allir þessir hæfileikar og fjölgeta svo hjálpar fæðingarárið kannski líka til...litlu snillingarnir

heyrumst fljótt og sjáumst allavega fyrir brottför á klakann

knúsiknús

Kolla frænka

Kolla frænka (IP-tala skráð) 2.3.2008 kl. 09:53

hahah hann er snillingur. Hlakka svo til að sjá ykkur.

knús anna kristín vinkona

Anna Kristín (IP-tala skráð) 3.3.2008 kl. 14:22

Þessi orkubolti á eftir að verða eitthvað mikið þegar hann verður stór, það er ég viss um, algjör snilli!!!

Er líka af góðum ættum

Okkur hlakkar rosa að fá ykkur heim,

knus og kram frá okkur, love helga

Helga (IP-tala skráð) 5.3.2008 kl. 14:15

Hann er bara flottastur:) knúsi knús.

Alda (IP-tala skráð) 12.3.2008 kl. 21:04

Hann er bara góður, við vitum allavega að hann erfir þetta ekki frá mömmu sinni svo ég ætla bara að eigna mér þetta með sönginn.

Kveðja Eva besta sys og frænka

Eva Haksdóttir (IP-tala skráð) 14.3.2008 kl. 16:23

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Lífið í Løgten

Höfundur

Eydís Hauksdóttir

Við hjónin búum ásamt sonum okkar tveim í Danmörku. Við fluttum til Árósa í júlí 2005 í kjölfarið af útskrift minni sem viðskiptafræðingur frá Háskólanum í Reykjavík. Ég byrjaði svo haustið 2005 í meistarnámi í lögum og viðskiptum Evrópusambandsins sem ég lauk í febrúar 2008. Nú vinn ég hjá indversku vindmyllufyrirtæki sem heitir Suzlon Wind Energy A/S. Hilmar er að vinna hjá frábæru fyrirtæki sem heitir Pressalit Care við að smíða sjúkrarúm og alls kyns rafknúna hluti fyrir fatlaða og einnig fyrir leikskóla. Synir okkar eru Eyþór Atli 11 ára fótboltakappi og Valur Snær 9 ára skáti.