Aðventa

Tíminn rýkur áfram og það eru bara skollin á enn ein jólin eftir 9 daga  Við Hilmar erum algjör jólabörn og elskum aðventuna. Heimilið var skreytt fyrstu helgina í aðventu og við erum búin að jólast með ýmsu móti síðan þá. Við erum bæði búin að fara á jólahlaðborð og jólaskemmtun með vinnufélögum okkar og strákarnir eru búnir að vera í alls kyns jólastússi í skólanum sínum.

Danska fjölskyldan var með jólahlaðborð heima hjá okkur aðra helgina í aðventu og það tókst rosa vel. Allir komu með einhvern jólarétt og svo átum við á okkur gat... alls 14 manns  Við erum líka búin að fara í barnaafmæli síðustu þrjár helgar hjá hinum ýmsu afmælisbörnunum og það er alltaf voða notalegt að fá kaffi og kökur og spjalla um allt milli himins og jarðar.... þó krepputal sé því miður ennþá efst á baugi í flestum umræðum  Fyrstu helgina í aðventu fórum við í 9 ára afmæli til Sindra í Hinnerup, aðra aðventuhelgi átti Patrekur í Hornslet 3 ára afmæli og þriðju helgina í aðventu fórum við í 11 og 12 ára afmælisveislu til Köru Mistar og Péturs í Grenå. Og til að klára þessi aðventuafmæli verður sæti eiginmaðurinn minn 38 ára gamall á laugardaginn

Í síðustu viku kláruðum við að versla allar jólagjafir sem við þurftum að senda frá okkur og komum svo öllu saman í póst á föstudaginn. Nú krossum við bara fingurna og vonum að allir pakkar komist til skila fyrir jól  Við vorum nefnilega tveim dögum á eftir áætlun á pósthúsinu og pósturinn vildi ekki alveg ábyrgjast að þetta bærist í tíma. Á Þorláksmessu er svo stefnan að versla jólagjafir fyrir strákalingana okkar og þeir eru búnir að vera svaka duglegir að skrifa óskalista í tonnatali... Í gær jóluðumst við svo ennþá meira og fórum upp í Hinnerup og bökuðum piparkökur með glassúr. Það tókst mjög vel og það voru meira að segja bakaðar nokkrar vindmyllur í leiðinni

Það hefur verið mun auðveldara en venjulega að vekja strákana síðustu daga eftir að íslensku jólasveinarnir lögðu af stað til byggða. Valur Snær er sérstaklega spenntur og vaknar um miðjar nætur til að kíkja í skóinn.... sem er reyndar ekki hans eiginn því hann setti skóinn hans Hilmars í gluggann svo það væri meira pláss. Hann setti líka skó út í gluggann fyrir köttinn svo hann fengi nú örugglega eitthvað gott líka. Það er því frekar annasamt hjá jólasveinunum í ár

Athugasemdir

[Telma (IP-tala skráð) 16.12.2008 kl. 00:05]

Úff sendið okkur slatta af jólafílingnum takk haha nibb segji svona. Held við séum með hugann allan í dk  EN hafið það sem allra best kveðja úr Grindó

[Helga Eym (IP-tala skráð) 18.12.2008 kl. 10:31]

Gaman að lesa hvað þið eruð dugleg í jólaundirbúningi, sendi ykkur jólaknús kveðjur

Helga

[Dísa Dóra, 20.12.2008 kl. 08:24]

Svona á aðventan að vera. 

Til hamingju með karlinn frænka góð

Strákarnir góðir að setja út skó fyrir kisu líka haha

[Telma (IP-tala skráð) 20.12.2008 kl. 11:03]

Til hamingju með eiginmanninn  Njótið þið dagsins rosalega vel og heyrumst sem fyrst. Kveðja grindjánarnir