Afmælisstrákur

Þá er komið að þriðja afmælinu hérna í Vosnæsparken. Stóri sæti sykurmolinn okkar sem var einu sinni svo pínulítill... er 11 ára í dag  Hann er búinn að bíða svo lengi eftir þessu, telja niður dagana og vera svo spenntur. Við vöktum hann með afmælissöngnum klukkan sex í morgun.... ég veit, ég veit, það er mjög ókristilegur tími.... en svona er þetta bara ef það á að opna pakkana áður en pabbinn leggur af stað í vinnuna klukkan hálf sjö. Hann var búinn að mæna í tvær vikur á pakkana frá Íslandi svo það var geggjað að fá loksins að opna þá

Hann var hæstánægður með gjafirnar og fór í spánýjum afmælisfötum í skólann með 30 "flødeboller" fyrir bekkinn sinn og kennarana. Svo er planið í dag að sækja hann í skólann klukkan hálf tvö, ná svo í Hilmar í vinnuna og mæta svo á opið hús hjá Suzlon klukkan tvö. Það verður rosa veisla hér í tilefni af flutningnum í nýja húsið, borgarstjórinn í Árósum mætir á svæðið og allir verða hér með fjölskyldunar sínar

Valur Snær verður í matarklúbb með fimm bekkjarsystkinum sínum á meðan og í kvöld fer svo öll fjölskyldan á frumsýninguna á nýju James Bond myndinni. Það var einlæg ósk afmælisbarnsins sem kallar sjálfan sig í daglegu tali "den lækreste 007"

Til hamingju með afmælið elsku besti strákurinn okkar

Athugasemdir

[Kolla frænka (IP-tala skráð) 7.11.2008 kl. 09:37]

Til hamingju með afmælið elsku Stóri flottasti Töffari  slærð James Bond allavega pottþétt út  Vona að dagurinn verði þér góður  og skemmtu þér vel að á frumsýningunni  

Knúskveðja frá öllum hér

Kolla frænka og co

[Linda Bjökr (IP-tala skráð) 7.11.2008 kl. 11:01]

Til hamingju með daginn Eyþór Atli! Hafðu það mega gott í dag. Góða skemmtun á Bond myndinni.

Kveðja frá frónni, Linda, Gunnar, Kristján Andri, Hákon Daði og Sunna María.

[Brynja og co (IP-tala skráð) 7.11.2008 kl. 15:47]

Til hamingju  með stóra strákinn á heimilinu orðin 11 ára vá!!

Hafið það sem allra best og góða skemmtun á 007 það verður örugglega mikið stuð hjá ykkur eins og alltaf.

Saknaðarkveðjur af klakanum

Brynja og co.

[Guðlaug (IP-tala skráð) 7.11.2008 kl. 20:20]

Til lukku með daginn Eyþór.  Vonandi skemmtið þið ykkur öll vel á 007.

Kveðja fra Hinnerup

[Ásta Björk (IP-tala skráð) 7.11.2008 kl. 22:23]

Hæhæ og til hamingju með stóra strákinn ekkert smá flott að eiga afmæli 7. nóvember Njótið 007 í kvöld með poppi og kók

Takk kærlega fyrir afmæliskveðjurnar í dag Eydís mín og takk fyrir síðast ég vona að þú sért búin að vera humm humm-andi í allan dag eins og ég hihihi

Heyrumst, Ásta Björk

[Sigurrós litla frænka (IP-tala skráð) 9.11.2008 kl. 20:26]

Enn og aftur klikkar kella litla á afmæliskvittinu... En til hamingju með stóra púkann ykkar... Hann fékk fésbókarafmæliskort frá frænkunni á deginum merka en endilega knúsa kappann... og þá báða... frá Sigurrós frænku...

Love you lots þanna ofurtúttufjölskylda...

Rósin...

[Íris Erlingsdóttir (IP-tala skráð) 11.11.2008 kl. 20:24]

Sæl Eydís.

Ég rakst á bloggið þitt þegar ég var að "gúggla" Lögten (með dönsku ö-i). Þar sem við erum að spekúlera að flytjast til Árósa og þá í eitthvað lítið samfélag fyrir utan Árósa og fundum fínt húsnæði í Lögten var ég að spá hvort ég mætti senda þér smá spurningar á emaili hvað varðar staðinn og fleira? Sá einnig að þú varst í HR og fórst svo í háskólann í Árósum, ég er nefnilega í sömu stöðu, er í HR og langar að fara út í þennan skóla.

Ef þú ert til í að svara mér viltu þá senda á mig einn póst á [e-mail]
Er þú hefur ekki tíma eða vilt það ekki þá er það minnsta mál! Vildi bara athuga fyrst ég fann þig hér á blogginu.

kv. Íris E.

[Dísa Dóra, 12.11.2008 kl. 14:38]

Til lukku með afmælisstrákinn.  Flottur afmælisdagur

Nú eigum við báðar flotta stráka sem eiga afmæli 7. nóv

[Telma (IP-tala skráð) 14.11.2008 kl. 21:27]

vá til lukku með stóra strákinn ykkar  er alltaf svo fljót að koma með afmæliskveðjurnar til ykkar, en skal muna eftir þessum eftir 36 daga  kveðja úr landinu góða

[Alda frænka (IP-tala skráð) 18.11.2008 kl. 18:37]

Hæhæ flott nýja lúkkið á síðunni hehe :)

kossar og knús til ykkar :)