Vetur konungur nálgast

Brrrr, það er svooooo kalt úti núna, ískalt og nístir inn að beini  Það er kominn vetur í Danmörku. Og þá er ekkert annað að gera en að taka því bara, kveikja upp í kamínunni og arninum og klæða sig í ullarpeysu og lopasokka. Ég ákvað í vikunni að ég nenni ekki að þvælast niður í bæ á hverjum degi í strætó í þessum kulda og flutti því allt skóladótið mitt heim aftur. Ég er búin að hertaka skrifborðið hans Eyþórs Atla og dreifa úr mér þar með allar skólabækurnar, pappírana, möppurnar og tölvuna mína. Þetta er líka heilmikill tímasparnaður hjá mér þar sem ég er einn og hálfan tíma í tveim strætisvögnum á leiðinni í bæinn og annað eins til baka seinnipartinn. Svo fæ ég líka alltaf svo mikinn hausverk í strætó að ég er oftast alveg ónýt þegar ég kemst á leiðarenda og ekki í góðu formi til að hefja skriftir  

Núna hef ég það bara kósý heima, helli mér upp á fulla kaffikönnu sem ég hef hjá mér á skrifborðinu og það heldur mér gangandi allan daginn. Svo er ég búin að stilla gemmsann minn þannig að hann pípi á tveggja tíma fresti og segi mér ýmist að ég eigi að fara að læra eða að ég eigi að fara í pásu 

Annars erum við bara búin að hafa það fínt og það er búið að vera nóg að gera hjá strákunum í dag. Eyþór Atli fór á fótboltamót í morgun og skoraði sex mörk í fjórum leikjum... mont, mont  Lét þetta svo ekki nægja og mætti á fótboltaæfingu klukkan tvö og svo kom Nikolaj vinur hans með honum heim og ætlar að gista hjá okkur í nótt. May, bekkjarsystir Vals Snæs hringdi í hann í morgun og bauð honum að vera heima hjá sér í allan dag... og hálftíma seinna hringdi önnur bekkjarsystir hans og bauð honum líka í heimsókn... sem verður að bíða betri tíma þar sem hann getur víst ekki klónað sig... ennþá. Það tekur á að vera svona vinsæll

Athugasemdir

[Anna Kristín vinkona (IP-tala skráð) 11.11.2007 kl. 22:37]

hæhæ

mmm kveikja upp í kamínunni hljómar ekkert smá kósý. Skil þig vel að vilja læra heima..og losna við allan þennan tíma í strætó.. haltu áfram að vera svona dugleg dúllan mín.

Vá hvað strákarnir eru duglegir..og Eyþór Atli algjör fótboltasnilli! tíhí..ekkert smá sem Valsarinn er vinsæll..bara gott!

knús úr rigningunni

anna kristín og co

[Anna Sig., 12.11.2007 kl. 09:46]

og þar sem þú ert heima og sleppur við 3 tíma í strætó á dag áttu sko rétt á aðeins meiri pásum!! er þaggi??

[Alda (IP-tala skráð) 13.11.2007 kl. 15:17]

Hæhæ sæta já ég skil þig vel að þú nennir ekki að vera að þvæli milli staða:)....(heima er BEST) ekki satt en hafðu það gott í kuldanum hehe:) kveðja Alda Frænka.

[Ásta Björk (IP-tala skráð) 14.11.2007 kl. 20:28]

Já vetrakonungur er sko kominn hingað til okkar í DK  brrrrrr brrrrr en gangi þer ofsavel með skriftir pepp... pepp

Bestu kveðjur frá Risskov