10 ára fótboltastrákur

Þá er fyrsti áratugurinn í höfn hjá honum Eyþóri Atla okkar  Hann vaknaði sæll og glaður með að þessi langþráði dagur væri loksins runninn upp sem hann er búinn að vera að telja dagana að í margar vikur. Við sungum að sjálfsögðu afmælissönginn upp í rúmi og svo opnaði hann einn pakka áður en hann fór í skólann. Hann er reyndar búinn að vera að opna afmælispakka í nokkrar vikur núna sem hafa bæði borist frá Íslandi og einnig frá nokkrum vinum hér í Danaveldi. Það er þó búið að takast að halda nokkrum pökkum til hliðar svo hann fær heila fimm pakka í dag  

 Hann var voða spenntur að mæta í skólann og fór í  fínum fötum því það er nú alltaf svo gaman þennan eina dag á ári að vera miðpunktur dagsins. Hann hringdi nú samt í mig klukkan rúmlega ellefu til að spyrja hvort hann mætti ekki bara drífa sig heim... hann getur ekki beðið eftir að opna restina af pökkunum... tíhíhí. En kennarinn reif símann af honum og slökkti á honum áður en ég náði einu sinni að svara... svo hann verður að halda út aðeins lengur litla skinnið

 Föstudagskvöldið 16. nóvember ætlar Eyþór Atli að halda bekkjarpartý ásamt tveim bekkjarfélögum sínum sem verða líka 10 ára í þessum mánuði og voru send boðskort á allan bekkinn þar sem boðið var í 3x10 = þrítugsafmælisveislu. Við Hilmar funduðum í gær með mæðrum hinna tveggja drengjanna til að plana veisluhöldin sem verða haldin í skátaheimilinu í Skæring. Þær voru alveg að tapa sér úr spenningi yfir þessu og það á að vera diskótek í einu herberginu, kósý stemning í öðru herbergi og matarhlaðborð í því þriðja. Og þar sem þetta á að vera "þrítugsafmæli" verður meira að segja fordrykkur í formi óáfengs kampavíns og svo verða kjötbollur, pizzur, kartöflusalat og ég veit ekki hvað og hvað á hlaðborðinu. Poppkorn og snakk í eftirrétt og þær ætla líka að kaupa 3 lítra af hvítvíni og 3 lítra af rauðvíni fyrir foreldrana svo þeir geti fengið sér drykk þegar þeir koma að sækja börnin um níuleytið.... svona eru nú Danir

Athugasemdir

[Brynja Egå (IP-tala skráð) 7.11.2007 kl. 16:16]

Til hamingju með drenginn vá bara 10 ára!!

Takk fyrir liðið síðasta laugardag því miður komst minns ekki kem bara seinna í kaffi hihi.

Njótið dagsins.

kv. Brynja.

[Siggi frændi og Dóra (IP-tala skráð) 7.11.2007 kl. 17:24]

Hæ allir  innilega til hamingju með 10 ára afmælir Eyþór Atli. Til hinna til hamingju með stóra drenginn.  Skemmtið ykkur vel  þann 16.

[Anna Kristín (IP-tala skráð) 7.11.2007 kl. 17:34]

Elsku Eyþór Atli til hamingjum með tíu ára afmælið

Vá afmælispartýið hljómar mjög vel...tíhí..gott að foreldrarnir geti vætt kverkarnar líka tíhí..

knús á línuna

Anna Kristín og co

[Kolla frænka (IP-tala skráð) 7.11.2007 kl. 18:38]

Hann á afmæli í dag

hann á afmæli í dag

hann á afmæli hann Eyþór Atli

hann á afmæli í dag....

Til hamingju með daginn elsku frændi, hljómar spennandi 30 ára afmælisveislan  hlakka til að heyra frá því....takk fyrir síðasta sunnudag....afmælisknús og töffarakveðja frá öllum hér....Kolla frænka og allir hinir  

p.s

klúturinn er því miður uppseldur, man eftir þér ef ég sé einhvern flottan......

[sædis (IP-tala skráð) 7.11.2007 kl. 20:33]

innilegar hamingjuóskir med strákinn.  Bestu kvedjur frá okkur øllum á Stavnsvej 82

[Alda Heimisdóttir (IP-tala skráð) 8.11.2007 kl. 11:35]

Hæhæ til hamingju með guttann og góða skemmtun þann 16:) kveðja Alda Frænka...