Gestir í strandhúsinu

Loksins, loksins fann ég tíma til að blogga smá hérna. Mikið búið að vera að gera síðustu tvær vikurnar síðan við fluttum í strandhúsið. Við erum rosalega ánægð hér og svífum bara á draumaskýi alla daga. Eva systir fór til Íslands í gær ásamt sonum sínum tveim. Það er búið að vera frábært að hafa þau hérna hjá okkur þar sem þau voru mjög dugleg að hjálpa okkur við að koma okkur fyrir á milli þess sem við skruppum út að gera eitthvað skemmtilegt. Veðrið hefur að vísu ekki verið upp á marga fiska en við erum samt búin að fara í Lególand, Djurs Sommerland og Tivoli Friheden við mikinn fögnuð drengjanna fjögra. Svo erum við líka búnar að eyða nokkrum dögum á Strikinu og í verslunarmiðstöðvunum í Árósum... við ekki eins mikinn fögnuð drengjanna

Addi bróðir og Oddný mágkona sem búa í Noregi komu til okkar í dag ásamt sínum tveim guttum og þau verða hjá okkur í fimm daga. Við vonum að þau fái skárra veður en síðustu gestir og við ætlum að byrja á því að skreppa með þeim í Djurs á morgun þar sem það er ágætis veðurspá fyrir morgundaginn og vonandi hægt að busla eitthvað í vatnsleikjagarðinum

Athugasemdir

[Oddny (IP-tala skráð) 14.7.2007 kl. 21:10]

Hallo,hallo

ER ekki að ýkja, húsið og umhverfið er avleg frábært. Þið eigið þetta svo sannarlega skilið, vonandi verða eigendur hússins i mörg ár í siglingu og þið getið verið þarna i mörg ár.

Hlakka til morgundagsins. Kveðja Fjölskyldan Svinndal

[Anna Kristín (IP-tala skráð) 17.7.2007 kl. 11:32]

hellú..bara kvitta fyrir komunni..góða skemmtun með bróður þínum og family.

knús og kossar á línu þín Anna Kristín 

[Rósa G (IP-tala skráð) 18.7.2007 kl. 19:48]

Hæ hæ!
Rétt að skilja eftir okkur spor á síðunni um leið við óskum ykkur til hamingju með að vera flutt í stuðstrumpaland. Vonum að þið hafið það gott og veðrið fari að ljóma á ykkur. Biðjum að heils Lindu og fjölskyldu.

Kveðja

Rósa G og co