Langir dagar

Úff hvað dagarnir í þessari viku eru eitthvað voðalega langir... Hilmar er að vinna yfirvinnu þessa dagana og vinnur þá frá 6-17 í staðin fyrir 7-15 svo ég keyri hann í vinnuna frá Norring klukkan hálf sex á morgnana. Kem svo til baka og þá byrjar allt morgunstússið með strákana; vekja, klæða, borða, nesta og allt það. Keyri svo guttana og Guðlaugu til Tilst upp úr hálf átta. Mæti svo drullusyfjuð í skólann minn rúmlega átta og hef þá fyrst tíma til að fá mér morgunmat og er þá náttúrulega orðin glorhungruð eftir að hafa verið á fótum í þrjá tíma. Svo myndast ég við að reyna að skrifa þessa blessuðu... (afsakið, skemmtilegu, áhugaverðu, frábæru...) ritgerð mína þar til allt ferlið hefst á nýjan leik seinni partinn við að sækja allt liðið. Svo tekur við allt þetta venjulega amstur eftir það þar til við dettum uppgefin út af rétt fyrir miðnætti.

Í gær var reyndar aðeins öðruvísi dagur... alveg jafn langur samt. Strákarnir fóru að heimsækja nýja skólann sinn í Skæring. Við heimsóttum báða bekkina sem þeir byrja í 15. ágúst. Það var mikil spenna, bæði hjá þeim og hjá öllum nýju bekkjarfélögunum. Þeir voru auðvitað svakalegir töffarar í nýju fötunum sem þeir keyptu sér daginn áður, n.b. báðir í rauðum kvartbuxum með köflóttar "kasket" derhúfur. Þeir slógu svo endanlega í gegn þegar þeir sýndu kennurunum og bekkjarfélögunum break-dans eins og þeim einum er lagið ;)

Eva systir kom svo með Viktor Inga og Daníel Þór til Árósa um sex leytið í gær. Eyþór Atli og Valur Snær voru þá í afmælisveislu í einni keiluhöllinni hér svo gestirnir komu með okkur að sækja þá þangað. Það var mikill fögnuður hjá frændunum fjórum þegar þeir hittust, enda hafa þeir ekki hitt Eyþór Atla í eitt ár og Val Snæ síðan í nóvember. Við fengum okkur svo að borða saman við ánna áður en þau héldu ferðalaginu áfram til Grenå... þar sem ég kom þeim í fóstur hjá Kollu frænku þar til við fáum strandhúsið góða um helgina :)

Athugasemdir

[Brynja (IP-tala skráð) 27.6.2007 kl. 11:44]

Nóg að gera hjá þér Eydís mín, nóg af skutleríi.  En það styttist nú í nýja húsið oh hlakka svo til að koma í heimsókn þangað og skoða.  Gaman að nýji skólinn leggst vel í drengina það skiptir svo miklu máli.  Gangi þér bara rosalega vel að skrifa bara tuff tuff.  Dagarnir eru langir hérna í Essam og ég og Guðlaug hvetjum hvor aðra áfram hérna enda nauðsynlegt.

Kær kveðja héðan úr suðurbænum.

[Anna Kristín (IP-tala skráð) 27.6.2007 kl. 13:36]

hæ dúllan mín, takk fyrir msnspjallið í morgun. Ji þeir eru náttla snillingar guttarnir þínir..ekkert smá duglegir að breaka! gott að þeim leist vel á skólann.. Ji veistu ég væri sofnuð fyrir átta á kvöldin ef ég færi svona snemma á fætur! o.m.g. finn til með þér. Það verður léttir fyrir ykkur að komast í strandhúsið.

knús og kossar anna kristín

[Anna Sig., 27.6.2007 kl. 19:14]

Vá nóg að gera, þú hlýtur að vera með einhver aukabatterí í þér.. passaðu þig að keyra þig ekki út! Bið að heilsa öllum ;) Ps. við flytjum í nýja húsið okkar 13. júlí.. spennó!