Leti-draugurinn

Mætt í skólann og löngu orðið tímabært enda er klukkan orðin hálf þrjú. Það er ekkert smá leiðinlegt að þurfa að læra þegar restin af fjölskyldunni er í fríi, bara eiginlega vonlaust mál fyrir mig. Búin að chilla endalaust í gær og í dag, píndi mig til að skrifa í einhverja tvo tíma í gær og ætla að skrifa í tvo til þrjá tíma í dag... úff hvað ég þarf á sparki í rassgatið að halda.

Skruppum í bíltúr í gærkvöldi sem endaði með heimsókn til Søren og Yuliyu í Skæring... sem hundskömmuðu okkur fyrir að hafa ekki látið sjá okkur í sex vikur. Ekkert smá sem tíminn flýgur áfram, finnst eins og það sé svona vika síðan við vorum í mat hjá þeim á föstudeginum langa. Annars er ég alltaf með hálfan hugann við leigusíðurnar hérna að skyggnast um eftir stærra húsi þar sem allir eiga sitt eigið herbergi, helst gestirnir líka. Erum búin að skoða tvö hús upp í Hinnerup en fengum svo hvorugt þeirra... enda aðeins of dýr fyrir okkur. Er svo búin að senda fyrirspurnir um tvö hús, eitt hér rétt hjá okkur í Tilst og hitt við ströndina í Studstrup, rétt norðan við Skæring. Ætti samt ekkert að vera að hugsa um þetta núna en svona er ég bara, alltaf komin einu skref á undan sjálfri mér.

Athugasemdir

[Anna Kristín (IP-tala skráð) 18.5.2007 kl. 13:59]

hæ dúlls..það er svo eðlilegt að hugsa um alla aðra hluti en að læra..hehe ég verð aldrei eins dugleg heima..og þegar ég á að vera læra. Vertu nú dugleg að skrifa.

knúsknús aks

[Eydís Hauksdóttir, 18.5.2007 kl. 14:13]

Takk fyrir það Anna Kristín, öfunda þig ekkert smá af því að vera búin með öll skólaverkefnin núna....

[Brynja DK (IP-tala skráð) 18.5.2007 kl. 15:31]

Sælar oh hvað við erum ótrúlegar góðar við okkur æji það er svo gott bara að dúllast með fjölskyldunni tala nú ekki um þegar hinir eru í fríi.  En gott hjá þér að fara bara uppí skóla og reyna skrifa bara tuff tuff koma þessu frá sér.

Baráttulærikveðja

Brynja DK