Hér er bolti, um bolta, frá bolta, til bolta

Var að lesa frétt á mbl áðan um Kolbein Sigþórsson, litla bróður hans Sissa. Strákurinn bara búinn að fá tilboð frá ARSENAL, ekkert smá flott hjá 17 ára gutta! Eyþór Atli heldur ekki vatni yfir þessu öllu saman og ætlar sko að vera staddur í þessum sporum eftir 7 ár, ekki spurning!

Annars eru samantekin ráð í gangi um að koma litla þrjóska Valsaranum í boltann líka og okkur er búið að takast að dobbla hann á eina æfingu og hann er búinn að spila einn leik... og er tilbúinn að prófa aðeins meira. Mamma er meira að segja að hjálpa til og er búin að fá innkaupalista frá honum um hvað hann vanti helst í sambandi við fótboltann. Hann bíður nú spenntur og kíkir í póstkassann á hverjum degi til að athuga hvort pósturinn sé búinn að stinga fótboltaskóm, legghlífum, markmannshönskum eða fótboltasokkum í póstkassann.