Afmælisdagur Hilmars

Þá er skollið eitt ár í viðbót á Hilmar minn og hann verður bara yngri og myndarlegri með hverju árinu  Afmælisdagurinn hans var í gær, 20. desember, og hann átti bara fínan dag. Við gáfum honum íslenskan stuttermabol frá Dogma sem stendur á: "Ég fer í ljós þrisvar í viku og mæti reglulega í líkamsrækt. Ég fer í Hollywood um helgar með mynd af bílnum í vasanum". Hann vildi reyndar ekki kannast við að hafa mynd af Daewoo druslunni í vasanum, híhíhí

Svo fórum við til Horsens og kíktum á jólastemninguna þar í skítakulda. Það var samt mjög fínt og við keyptum okkur hringferð um  bæinn í geggjaðri limósínu í tilefni afmælisdagsins. Hittum svo Guðlaugu og fjölskyldu og fengum okkur kaffi með þeim og röltum svo aðeins meir um strikið og kíktum á jólabásana.

Alda og Borgar komu svo með strákana sína þrjá til okkar um kvöldið og borðuðu með okkur svínalundir og svo horfðum við á Holyfield boxa við þennan líka forljóta Rússa. Þrátt fyrir að Holyfield tapaði bardaganum var samt afmælisdagurinn bara fínn og skemmtilegur

Athugasemdir

[Brynja (IP-tala skráð) 22.12.2008 kl. 09:03]

Innilega til hamingju með kallinn um helgina. Þið góð að fara til Horses í jólafiling allt jafn dugleg. Því miður verður engin "flaska" fyrir utan dyrnar þessi jólin en spurning með þau næstu hhmmm.

Bara eigið yndisleg jól og hafið það alveg frábært yfir hátíðina.

Saknaðarkveðjur af klakanum Brynja og co.